Arabískar lambakótelettur Lamba- og kindakjöt er mikið borðað í flestum Arabalöndum, allt frá Marokkó austur til Saudi-Arabíu og Íraks, og er algengast að kjötið sé soðið í ýmiss konar pottréttum eða grillað. Það er gjarna töluvert mikið kryddað og krydd eins og kóríander, kummin, kanell og chili eru algeng.

Arabískt lambalæri með grænmeti Arabar kjósa að hafa lambakjötið gegnsteikt og þess vegna er steikingartíminn sem gefinn er upp hér nokkuð langur. Auðvitað má líka steikja lærið mun skemur ef þess er óskað að það sé bleikt í miðju.

Armensk lifur með papriku og tómötum Þessi lifrarréttur, sem ættaður er frá Armeníu, er mjög einfaldur en góður. Lifur og grænmeti er skorið í bita, sett í ofnskúffu, kryddað og bakað stutta stund.

Austurlenskur kryddlögur Einfaldur kryddlögur á lambakjöt sem á að grilla, ættaður frá Suðaustur-Asíu. Þessi lögur er nokkuð súr og bragðmikill en þar sem engin sæt hráefni eða viðbættur sykur er í honum eru litlar líkur til að kjötið brenni.

Balsamkartöflur

Grillað lamb á spjóti með ananas og mangó Það er ekkert íslenskt sumar án íslensks lambakjöts á grillið. Hérna er ljúffeng uppskrift eftir Úlfar Finnbjörnsson sem birtist í grillblaði Gestgjafans 2008.

Grillaðar lærissneiðar með austurlensku grænmeti Einföld uppskrift að lambalærissneiðum sem marineraðar eru í austurlenskum kryddlegi áður en þær eru grillaðar á útigrilli eða í ofni og bornar fram með léttsteiktu grænmeti.

Hoisin-chilisósa Afskaplega einföld grillsósa sem er mjög vinsæl víða í Suðaustur-Asíu og er góð t.d. með grilluðum lambarifjum eða kótelettum.

Indónesískir lambagrillpinnar Satay er heiti sem í Indónesíu er bæði notað um grillað kjöt á teini og einnig um sósur sem kjötið er marinerað í og/eða borið fram með. Hér er þó ekki notuð sataysósa í marineringuna en hún er mjög góð með.

Jarðhnetusósa Jarðhnetusósur af ýmsu tagi eru afar algengar í Suðaustur-Asíu, ekki síst í Indónesíu. Margar þeirra eru sterkar og mikið kryddaðar en þessi er mild. Hún hentar vel með grilluðu kjöti, ekki síst lambakebab.

Kínverskar lambakjötsnúðlur Í þennan kínverska lambakjötsrétt eru notaðar sykurbaunir og mjög smátt skornar gulrætur sem þurfa stutta suðu, en einnig mætti nota annað smátt skorið grænmeti sem þarf skamma eldun, svo sem spergilkál.

Kínverskur lambakjötsréttur Kínverjar sjálfir mundu sennilega ekki nota lambakjöt í þennan rétt en það er vegna þess að þar er lítið um sauðfé nema í norðurhéröðunum. Þessi uppskrift hentar þó mjög vel fyrir meyrt lambakjöt, t.d. af læri.

Kínverskur lambakjötsréttur með mintu Fljótlegur og einfaldur austurlenskur lambakjötsréttur. Notið meyrt kjöt og skerið það mjög þunnt, þá þarf aðeins að steikja það í örfáar mínútur. Í staðinn fyrir hrísgrjón mætti líka hafa núðlur með kjötinu.

Lambagrillsteik með kúskússalati Framhryggjarfillet er að margra mati besti bitinn af lambinu og svo mikið er víst að það er auðvelt að elda marga gómsæta rétti úr þessum meyra og safaríka bita. Hér er kjötið snöggbrúnað og síðan brugðið í ofn í smástund.

Lambakjöt í kókoskarrísósu Mjög bragðgóður lambakjötsréttur í kókoskarrísósu, ættaður frá Suðaustur-Asíu. Kjötið er brúnað og síðan látið malla með grænmeti og kryddi í niðursoðinni kókosmjólk þar til hún er orðin að ljúffengri sósu.

Lambakjöts- og hrísgrjónapílaf Þessi lambakjöts- og hrísgrjónaréttur, sem ættaður er frá Mið-Asíu, er kannski svolítið fyrirhafnarsamur en þó einfaldur um leið og fyrirhöfnin borgar sig alveg. Hrísgrjónin eru soðin með kjötinu en ekki borin fram sér.

Lambalundir á sítrónugrasi með satay-sósu og mangósalati Lambakjöt er hátíðamatur og hægt að bera fram á ýmsa vegu.  Uppskrift eftir Úlfar FInnbjörnsson sem birtist í hátíðarblaði Gestgjafans í desember 2007.

Lambatikkamasala - með íslensku byggi og salati Frábær uppskrift fyrir afgangana og þegar tíminn skipti máli.

Lifur að arabískum hætti Fljótlegur og mjög gómsætur réttur úr lambalifur, þar sem lifrin er steikt á hefðbundin hátt en krydduð með hvítlauk og kummini og síðan krydduð með papriku, chili og sítrónu.

Mangó-grillsósa Köld, austurlensk sósa sem hentar vel með grilluðu lambakjöti. Þessa sósu má nota til að pensla t.d. lambalærissneiðar eða kótelettur á meðan þær grillast en einnig má bera hana fram með kjötinu, t.d. ásamt hrísgrjónum. Hún er einnig góð á kebab.

Mangósalat 1 1/2 mangó, skrælt og skorið í þunnar sneiðar 1 rauðlaukur, skorinn í þunnar sneiðar 1/4 chili-aldin, smátt saxað 2 msk kóríander, smátt saxað 2 msk. límónusafi 1/2 tsk. salt 1 tsk hunang 2 msk. ólía Blandið öllu vel saman

Sinnepsmaríneraðar lambakótelettur Lambakjötið hentar við fjölbreytt tækifæri.  Hér er góð og fljótleg uppskrift að lambakótelettum frá Úlfari Finnbjörnssyni sem birtist í klúbbablaði Gestgjafans 2007.

Sojamarineraðir lambagrillpinnar Kjötið er hér látið liggja í afar einföldum soja- og sítrónukryddlegi áður en það er grillað. Best er að hafa soðin hrísgrjón með kjötinu og e.t.v. einnig grillað grænmeti.

Sviðasúpa frá Kúvæt Á meðal Arabaþjóða þykja svið víða sælgæti og þau eru elduð á ýmsan hátt. Til dæmis er algengt að sjóða þau í súpu og eru slíkar súpur gjarna vel kryddaðar og sterkar. Þessi súpa er frá Kúvæt og kallast þar abawaat.

Teriyaki-kryddlögur Grillkryddlögur með japönsku yfirbragði, hentar vel t.d. fyrir lærissneiðar og innralærvöðva sem á að grilla eða steikja á grillpönnu.

Veltisteikt lambakjöt Veltisteiking eða stir-fry er steikingaraðferð ættuð frá Asíu, þar sem það sem á að steikja er skorið í litla bita, snöggsteikt við mjög háan hita og hrært nærri stöðugt í á meðan til að snúa bitunum. Þessi aðferð hentar vel fyrir meyrt lambakjöt.

Senda á Facebook