Appelsínugljáður lambavöðvi Meyr og gómsætur lambavöðvi, gljáður með appelsínumarmelaði og bakaður í súr-sætri appelsínu-balsamedikssósu. Uppskriftin er ættuð frá Ástralíu. Í staðinn fyrir lambavöðva mætti vel nota kindainnralæri, það er ekki síðra.

Bakað lambalæri með graskeri, rósakáli og kryddjurtum

Barbecue-lambarif Mjög einföld uppskrift þar sem ódýrt hráefni er gert að hreinasta góðgæti - það er að segja fyrir þá sem langar til að naga bragðmikil og brakandi rif - það er hægt að grilla rifin hvort heldur sem er í ofninum eða á útigrillinu.

Basil- og hunangshjúpuð lambakóróna með kumminbættum augnbaunum og basilpestói Okkar frábæra lambakjöt hentar við ýmis tækifæri og er sannarlega kjörið hráefni í veislumat.  Hér er uppskrift að girnilegum rétti sem sómar sér vel í hvaða veislu sem er.  Höfundur.  Úlfar Finnbjörnsson, matreiðslumeistari. Uppskriftin birtist í Gestgjafanum 3. tbl. 2007.

BBQ-kryddaðar lambagrillsneiðar með BBQ-sósu Girnileg uppskrift úr uppskiftasafni Úlfars Finnbjörnssonar sem hæfir þessu frábæra hráefni og hentar vel við ýmis tækifæri sem birtist í 9. tbl. Gestgjafans 2008.

Bökuð kartöflustappa með sólþurrkuðum tómötum

Chili-apríkósugljáður lambahryggur Uppskriftir að lambahrygg í erlendum matreiðslubókum eru oftar en ekki miðaðar við að hryggurinn (eða hluti hans) sé sagaður í tvennt eftir endilöngu og þá er hryggsúlan líka oftast fjarlægð. Við þetta fást kjötstykki sem er auðveldara að matreiða og skera en þegar hryggurinn er eldaður á hefðbundinn hátt. Oft er hægt að fá þetta gert í kjötborði verslunarinnar en ef til er þungur og góður hnífur er ekki sérlega vandasamt að höggva hrygginn sundur heima í eldhúsi.

Chilkryddað grillað lambalæri Þetta er réttur fyrir þá sem vilja hafa lambalærið sitt dálítið krassandi. Nota má jalapeño-pipar úr krukku í kryddlöginn; það ásamt hvítlauk og sinnepi ætti að gera réttinn vel ,,heitan".

Einfalt kartöflugratín

Góðgæti drykkjurútsins Ekki er vitað fyrir víst af hverju rétturinn hefur þetta nafn (á frummálinu kallast hann O mezes tou bekri), en hann er ljómandi góður, líka fyrir bindindisfólk. Það er hægt að bera hann fram sem pinnamat, þar sem allt er skorið í fremur litla bita og borið fram í sósunni.

Grillað lambainnralæri með sítrónutímíani Eitt vinsælasta hráefnið á grillið er án efa íslenska lambakjötið. Það er bragðgott, mátulega feitt og svo er líka auðvelt að grilla það.  Það er alltaf hægt að slá í gegn með lambakjöti sama hvert tilefnið er, það á alltaf við og verður alltaf hinn klassíski, íslenski grillmatur.  Hér er uppskrift úr smiðju Úlfars Finnbjörnssonar, matreiðslumeistara sem birtist í Grillblaði Gestgjafans 2007.

Grillað lambalæri með chermoula Gómsætt, úrbeinað lambalæri að hætti Marokkóbúa, kryddað með chermoula, sem er kryddjurta- og kryddblanda sem mikið er notuð þar um slóðir. Kjötið má grilla hvort heldur sem er á útigrilli eða í ofni.

Grillaðar karríkryddaðar kótelettur Það er dálítið indverskur keimur af þessum kótilettum, þar sem þær eru marineraðar í karríkryddaðri jógúrt áður en þær eru grillaðar. Svo má líka nota meira karrí í kryddlöginn ef þess er óskað.

Grillaðar lambaframhryggjarsneiðar Lambaframhryggur er góður biti og vel fitusprengdur, þannig að kjötinu hættir síður við að þorna en ýmsum öðrum bitum. Gott að gefa þeim langan tíma á grillinu við fremur vægan hita.  Uppskrift úr smiðju Úlfars Finnbjörnssonar, matreiðslumeistara sem birtist í Grillblaði Gestgjafans 2007.

Grillaðar lambaframhryggjarsneiðar Lambaframhryggur er góður biti og vel fitusprengdur, þannig að kjötinu hættir síður við að þorna en ýmsum öðrum bitum, ekki síst ef sneiðarnar eru þykkt sagaðar. Þá er gott að gefa þeim langan tíma á grillinu við fremur vægan hita.

Grillaðar lambakótelettur með balsamediksósu Kótelettur eru alltaf vinsælar á grillið og það er gott að láta þær liggja í kryddlegi drjúga stund áður en þær eru grillaðar. Afganginn af kryddleginum má svo nota út í sósu á kóteletturnar, eins og hér er gert.

Grillaðar laukmarineraðar kindalundir Einfaldari gerist marineringin varla - laukur, sítróna og ólífuolía. Hér eru notaðar lundir en einnig mætti nota marineringuna á hvaða lambakjötsbita sem er.

Grillbrauð Það er afskaplega einfalt að baka brauð á grillinu og bera fram nýbakað og heitt brauð með lambakjötinu. Þessi smábrauð væri til dæmis hægt að baka þegar búið er að taka lærið af grillinu - það hefur hvort eð er gott af að standa nokkra stund áður en það er skorið.

Grilluð lambalifur á teini Hægt er að gera ýmislegt við lambalifur annað en steikja hana á pönnu og bera fram með brúnni sósu. Hafið þið til dæmis prófað að skera hana í bita og steikja á teini?

Grísk lambagrillsteik Lambakjöt er í miklum metum meðal Grikkja og þeir kryddað það yfirleitt og matreiða á fremur einfaldan hátt - nota kryddjurtir, ólífuolíu og sítrónur.

Grískt Gyros í pítubrauði Í þessa uppskrift má jafnvel nota súpukjöt en framhryggjarsneiðar eru líklega bestar. Það skiptir máli að kjötið sé vel fitusprengt en magrir eða fitulausir bitar henta ekki í þennan rétt, það kjöt verður ekki nógu safaríkt og mjúkt.

Grænmetisfylltir tómatar Þessir fylltu tómatar eru tilvalið meðlæti með lambakjöti, bæði grilluðu, ofnsteiktu og pönnusteiktu kjöti. Prófið t.d. að bera þá fram með steiktum lambahrygg eða með lambakótelettum.

Holugrillað lambalæri Um og upp úr 1980 varð mjög vinsælt á Íslandi að grilla lambakjöt í gryfju sem grafin var í jörðina og tyrft yfir. Þetta er enn algengt, enda mjög hentug aðferð þar sem aðstæður leyfa. Gott er að krydda kjötið með nýtíndu blóðbergi.

Hryggvöðvi með papriku-mintusósu Gómsætur grillréttur úr meyru lambakjöti. Sósan krefst dálítillar fyrirhafnar en bragðið bætir það fyllilega upp.

Hryggvöðvi með sveppa- og bláberjasósu Sérlega góður lambakjötsréttur sem hentar í hvaða veislu sem er, til dæmis á jóla- eða páskaborðið.

Hvítlauks- og rósmarínkryddaðir lambaskankar með grænmeti Þessi suður-evrópski lambakjötsréttur er bragðmikill og góður og hentar vel fyrir skanka eða annað kjöt sem þarf langa og hæga eldun. Grænmetið er eldað með kjötinu.

Hvítlauks-lambahryggur Hvítlaukur er krydd sem flestum þykir eiga einkar vel við lambakjöt. Það er sannarlega ekki verið að spara hvítlaukinn í þessari uppskrift en það er einmitt hann sem gerir bragðið svona gott.

Hvítlauksmauk Þetta hvítlauksmettaða mauk má nota til að bragðbæta ýmsar heitar og kaldar sósur sem bornar eru fram með lambakjöti, svo og súpur og pottrétti.

Indverskar lambagrillsneiðar Í þennan norður-indverska grillrétt er ekki notað neitt sterkt krydd og hann ætti því að henta fyrir þá sem ekki eru hrifnir af sterkkrydduðum mat en vilja engu að síður njóta indverskrar matargerðar.

Indverskur lambakarríréttur Gómsætur indverskur karríréttur, kryddaður að norður-indverskum hætti - ekki of sterkur en það má þó vel hafa hann sterkari eða mildari eftir smekk.

Senda á Facebook