Arabískt lambalæri með grænmeti Arabar kjósa að hafa lambakjötið gegnsteikt og þess vegna er steikingartíminn sem gefinn er upp hér nokkuð langur. Auðvitað má líka steikja lærið mun skemur ef þess er óskað að það sé bleikt í miðju.

Berja- og villikryddað lambalæri Íslenskt lambakjöt, kryddað með villijurtum og berjum til að fá hið eina sanna fjallabragð. Hér er notuð blóðbergsteblanda úr Aðaldal en einnig má nota ýmsar villtar kryddjurtir, innlendar eða erlendar.

Blóðmör Blóðmör og lifrarpylsa er ódýr og góður íslenskur matur, ekki bara á haustin, heldur allt árið. Hér er hefðbundin, einföld blóðmörsuppskrift sem allir ættu að geta farið eftir. Auðvitað má svo bragðbæta blóðmörinn á ýmsan hátt, t.d. með kryddi eða rúsínum.

Fjallagrasablóðmör Fjallagrös voru mikið notuð í blóðmör áður fyrr og komu í stað mjöls að miklu leyti. Enn er fjallagrösum stundum bætt út í blóðmör, enda eru þau mikið hollmeti.

Fjallalamb á veisluborðið Ljúffengt lambalæri á veisluborðið, kryddað með villtum íslenskum kryddjurtum, t.d. blóðbergi. Bragðið verður einstaklega milt og gott en hefur um leið þennan íslenska jurtakeim sem allir kunna að meta.

Fjárhirðapottréttur frá Baskalandi Þessi réttur er upprunnin í Baskahéruðum Norður-Spánar og ber ýmis einkenni þess svæðis, inniheldur m.a. paprikur, rauðvín, hvítlauk, kryddjurtir og svolítið chili. Hann er einkar bragðmikill en þó ekki sterkkryddaður.

Franskur lambapottréttur Franskur sveitamatur af bestu gerð - lambakjöt, grænmeti, rauðvín og kryddjurtir. Best er að elda réttinn í potti sem stungið er í ofninn en einnig má sjóða hann uppi á eldavélinni.

Fyllt lambalæri á grillið Fyllt lambalæri af grillinu er frábær veislumatur. Hér er notuð fylling úr fetaosti, sólþurrkuðum tómötum, furuhnetum, pestói og kryddjurtum. Best er að úrbeina lærið þannig að leggjarbeinið sé skilið eftir og lærið haldi alveg lögun.

Gljáðir lambaskankar Lambaskankar eða leggir eru ódýr en góður biti sem best er að elda lengi við fremur vægan hita. Hér eru þeir gljáðir með barbecuesósu, bragðbættri m.a. með hvítlauk og kryddjurtum.

Grafið lamb með rauðrófusósu Lambakjöt er hráefni sem flestum þykir gott og það er tilvalið að útbúa úr því fljótlega og góða rétti. Uppskrift frá Úlfari Finnbjörnssyni sem birtist í klúbbablaði Gestgjafans 2007.

Grafin lund - með rauðbeðusósu

Grillað lambalæri Grillþátturinn sem sýndur var í ríkissjónvarpinu í júní, vakti mikla athygli. Gestgjafi var Nanna Rögnvaldardóttir og er þessi uppskrift úr þættinum.

Grillað lambalæri Að grilla við óbeinan hita þýðir að það eru engir kola- eða gaslogar beint fyrir neðan kjötið og það er því ekki hætta á að það brenni. Þetta er mjög hentug aðferð fyrir öll stærri kjötstykki.

Grillað lambalæri að hætti Provencebúa Íbúar Provencehéraðs í Frakklandi nota mikið af hvítlauk, tómötum og kryddjurtum í matargerð og þetta gildir auðvitað líka þegar þeir matreiða lambagrillsteikina sína.

Grillað lambalæri með Miðjarðarhafssvip Þessi réttur krefst nokkurrar fyrirhafnar en útkoman réttlætir hana fyllilega. Lærið er kryddað með hvítlauk, sólþurrkuðum tómötum og fleiru og síðan grillað á útigrilli við óbeinan hita.

Grillað, flatt lambalæri með kryddjurtum og hvítlauk Það er ekkert íslenskt sumar án íslensks lambakjöts á grillið. Hérna er ljúffeng uppskrift eftir Úlfar Finnbjörnsson sem birtist í grillblaði Gestgjafans 2008.

Grillaðar lambalundir með kryddjurtapestói Lambakjötið er tilvalið á grillið hvort sem það er grillað í sneiðum, heilum vöðvum eða steikum. Þessi uppskrift er frá Úlfari Finnbjörnssyni og birtist í grillblaði Gestgjafans 2007.

Grillaður lambahryggur Við þessa uppskrift er notað gasgrill með tveimur brennurum

Grillaður lambahryggur Óbein grillsteiking er aðferð sem hentar sérlega vel fyrir lambahrygg, sem hættir mjög við að brenna ef hann er grillaður á hefðbundinn hátt, vegna fitunnar sem lekur af honum ofan í logana.

Grískt lambalæri Grikkir vilja yfirleitt hafa lambakjötið sitt alveg gegnsteikt en ef óskað er eftir kjöti sem er bleikt í miðju má stytta steikingartímann verulega frá því sem hér er gefið upp.

Gufusteiktir lambaskankar með lauk Lambaskankar eða leggir eru bragðmikill og gómsætur matur ef þeir eru rétt matreiddir. Yfirleitt er best að elda þá lengi við fremur vægan, rakan hita, þ.e. gufusteikja þá eða pottsteikja, og það er einmitt gert hér. Það mætti elda réttinn fram að þeim tíma þegar meiri lauk er bætt í pottinn en taka hann þá úr ofninum, kæla og geyma til næsta dags. Þá er hann hitaður upp, lauknum bætt út í og rétturinn eldaður til fulls. Þannig verður hann enn betri en ella.

Heilsteiktur lambahryggur með tómötum, basilíku og hvítlauk

Hvítlauks-lambaskankar Það vantar ekki hvítlaukinn í þennan gómsæta rétt, þar sem kjötið er látið malla lengi í ofni við hægan hita, þar til það er orðið mjög meyrt og bragðgott.

Hvítlaukslambalæri Hér er ekki verið að spara hvítlaukinn, og þar sem kjötið er steikt lengi við hægan hita verður það alveg gegnmettað af hvítlauksbragðinu. Réttur fyrir sanna hvítlauksvini.

Hægeldaðir lambaskankar í rauðvínssósu Uppskrift að hægelduðum lambaskönkum í rauðvínssósu úr Gestgjafanum í febrúar 2008. Höfundur: Úlfar Finnbjörnsson.

Hægeldaður lambaframpartur - fyrir fólk sem er að flýta sér Þetta er ekkert grín, framparturinn er eldaður í 24 klst. en hentar samtvel fyrir önnum kafið fólk. Skellið frampartinum í ofninn að kvöldi (umþað leiti sem þið viljið borða kvöldmatinn daginn eftir) og njótið þess aðkvöldmaturinn hefur séð um sig sjálfur á meðan allir voru í vinnunnieða skólanum. Frábær sunnudagssteik fyrir alla daga vikunnar og ekkispillir að stinga hvítlauksgeirunum inn í kjötið til að fá meira bragð.

Indverskt lambalæri að hætti Yesmine Olsson Úr bókinni Framandi og freistandi – létt & litrík matreiðsla eftir Yesmine Olsson

Ítölsk lambasvið í krydduðu raspi Svona gera Rómverjar stundum við svið af ungum lömbum, sem borin eru fram á götuveitingahúsum um páskaleytið. Þessi réttur nefnist á ítölsku Testine di agnello al forno.

Júgóslavnesk lambakjötssúpa Súpur á borð við þessa eru eldaðar um allan Balkanskaga. Hér er grænmetið allt maukað en það mætti líka sleppa því, eða mauka aðeins hluta þess.

Jurtakryddað lambalæri á grillið Grilltíminn fyrir læri sem grillað er við óbeinan hita fer m.a. eftir því hve stórt lærið er og hve vel gengur að halda hita í lokuðu grillinu. Ef kalt er í veðri, vindur er mikill eða sífellt er verið að opna grillið, þá þarf lærið mun lengri tíma og því er e.t.v. best að nota kjöthitamæli og slökkva á grillinu þegar hiti í miðjum vöðvanum er 60°-65°C, eftir smekk.

Senda á Facebook