Amerísk grillsósa Þessi ameríska grill- eða barbecue-sósa er mjög góð á kótelettur og lærissneiðar. Hana má nota bæði til að pensla lambakjötið á meðan það grillast og bera hana fram með. Einnig má láta kjötið marínerast í henni en þá er best að skafa sem mest af sósunni af kjötinu áður en það er sett á grillið og pensla svo aftur með henni skömmu áður en það er tekið af til að minni hætta sé á að það brenni.

Apríkósu-barbecue-sósa:

Blóðmör Blóðmör og lifrarpylsa er ódýr og góður íslenskur matur, ekki bara á haustin, heldur allt árið. Hér er hefðbundin, einföld blóðmörsuppskrift sem allir ættu að geta farið eftir. Auðvitað má svo bragðbæta blóðmörinn á ýmsan hátt, t.d. með kryddi eða rúsínum.

Fjallagrasablóðmör Fjallagrös voru mikið notuð í blóðmör áður fyrr og komu í stað mjöls að miklu leyti. Enn er fjallagrösum stundum bætt út í blóðmör, enda eru þau mikið hollmeti.

Fjárhirðapottréttur frá Baskalandi Þessi réttur er upprunnin í Baskahéruðum Norður-Spánar og ber ýmis einkenni þess svæðis, inniheldur m.a. paprikur, rauðvín, hvítlauk, kryddjurtir og svolítið chili. Hann er einkar bragðmikill en þó ekki sterkkryddaður.

Fljótlegt indverskt lambakarrí Þótt þessi réttur kallist karrí er ekki notað neitt karríduft í hann - karrí þýðir í rauninni ,,sósa" og Indverjar nota ekki tilbúnar karríblöndur, heldur blanda saman ýmsum tegundum af kryddi. Þetta er mjög einföld og fljótleg útgáfa af indverskum karrírétti.

Gljáðar gulrætur með skalottlauk Gulrætur eru gott meðlæti með lambakjöti en þær verða sérstaklega ljúffengar ef þær eru gljáðar ásamt skalottlauk í svolitlu smjöri og sykri, þá verða þær sérlega sætar og bragðgóðar. Nota má appelsínusafa í staðinn fyrir vatn.

Indverskur lambakarríréttur Gómsætur indverskur karríréttur, kryddaður að norður-indverskum hætti - ekki of sterkur en það má þó vel hafa hann sterkari eða mildari eftir smekk.

Íslensk kjötsúpa Ekkert betra í skammdeginu en gómsæt íslensk kjötsúpa...

Íslensk kjötsúpa Kjötsúpa er hin eina sanna íslenska súpa en það þýðir ekki að allar uppskriftirnar séu eins. Þessi súpa er hálftær en oft eru höfð grjón í henni og þá verður hún þykkari.

Íslensk kjötsúpa II Tilbrigði við hefðbundna íslenska kjötsúpu. Hér er t.d. notuð paprika og í staðinn fyrir súpujurtir kemur skessujurt, sem margir eiga úti í garði. Laukurinn er soðinn heill í súpunni en ekki saxaður.

Ítölsk tómat-kjötsúpa Þessi ítalskættaða lambakjötssúpa er mjög matarmikil og góð, ekki síst með ítölsku brauði. Í staðinn fyrir tómatmauk má nota ferska eða niðursoðna tómata og saxa þá smátt.

Júgóslavnesk lambakjötssúpa Súpur á borð við þessa eru eldaðar um allan Balkanskaga. Hér er grænmetið allt maukað en það mætti líka sleppa því, eða mauka aðeins hluta þess.

Karabískur karríréttur Á Karíbahafseyjum er reyndar allt eins líklegt að notað væri geitakjöt í þennan rétt, en hann er ekki síður góður ef notað er kindakjöt í hann. Auðvitað má líka nota lambakjöt en kjöt af fullorðnu er bragðmeira og nýtur sín betur í sterkri sósunni.

Kartöflustappa með sætum kartöflum og rósmaríni

Kindakæfa Áður fyrr var kæfa oftast gerð úr mjög feitu kjöti og mörgum þykir hún raunar best þannig en það er líka hægt að gera hana úr tiltölulega mögru kjöti. Einnig má nota slög, þindar og fleiri ódýra bita í kæfuna.

Kjöt í karríi Þetta er ekki alveg hefðbundið íslenskt kjöt í karríi þar sem með því eru yfirleitt bornar fram kartöflur en ekki gulrætur en mér þykja gulræturnar þó eiga betur við, auk þess sem þær gefa sósunni aukið bragð og dýpt. Einnig er algengara að sósan sé jöfnuð með karríkrydduðum hveitihristingi en að hún sé bökuð upp en með því að brúna karríduftið örlítið í smjörinu næst bragðið betur fram.

Kjöt í karrísósu Kjöt í karrí eins og hjá mömmu og ömmu - réttur sem flestum börnum líkar einstaklega vel við, enda er sósan mild og mjúk og kjötið meyrt og gott.

Kjötkássa Kjötkássa sést ekki eins oft á borðum nú og áður fyrr en þetta er þó mjög góð aðferð til að nýta afganga af kjöti, ekki síst ef um er að ræða kjöt sem er svolítið seigt. Kássuna má krydda að vild en það er best að nota nokkuð mikinn pipar.

Kjötsúpa með sveppum Bragðmikið og gott tilbrigði við hefðbundna kjötsúpu. Það má líka sleppa því að sjóða beinin með í súpunni en hún verður mun bragðmeiri ef það er gert.

Kjötsúpa með sveppum og grænmeti Þessi góða kjötsúpa er bragðmikið en létt tilbrigði við hefðbundna íslenska kjötsúpu og í hana eru meðal annars notaðir sveppir og paprika.

Kryddjurtakartöflustappa Þessi gómsæta kartöflustappa er sérlega góð með ýmsum lambakjötsréttum, ekki síst pottréttum í bragðmikilli sósu, svo sem rauðvínssósu eða ólífusósu.

Lamba-gúllassúpa Ekta ungverskar gúllassúpur eru líklega oftast gerðar úr nautakjöti en það má einnig gera þær úr lambakjöti og er raunar ekkert síðra.

Lambafrikkasse með blönduðu grænmeti og kartöflum

Lambagúllas Gömul og góð íslensk gúllasuppskrift, gúllas eins og amma eldaði. Þetta gúllas er mjög gott með kartöflustöppu en það má líka hafa soðnar kartöflur með því.

Lambakjöt í dillsósu Mildur, norður-evrópskur lambakjötspottréttur þar sem kjötið er soðið með grænmeti og síðan borið fram í súrsætri, rjómalagaðri dillsósu.

Lambakjöt í kókoskarrísósu Mjög bragðgóður lambakjötsréttur í kókoskarrísósu, ættaður frá Suðaustur-Asíu. Kjötið er brúnað og síðan látið malla með grænmeti og kryddi í niðursoðinni kókosmjólk þar til hún er orðin að ljúffengri sósu.

Lambakjöts- og hrísgrjónapílaf Þessi lambakjöts- og hrísgrjónaréttur, sem ættaður er frá Mið-Asíu, er kannski svolítið fyrirhafnarsamur en þó einfaldur um leið og fyrirhöfnin borgar sig alveg. Hrísgrjónin eru soðin með kjötinu en ekki borin fram sér.

Lambakjötskarríréttur Einfaldur indverskættaður karríréttur með tómötum og lauk. Í staðinn fyrir karríduft mætti líka nota karrímauk úr krukku, milt eða sterkt eftir smekk.

Lambakjötspottréttur með apríkósum og sætum kartöflum Gómsætur pottréttur sem á rætur að rekja til Norður-Afríku og er því góður með kúskúsi en einnig væri gott að hafa með honum soðin hrísgrjón. Í staðinn fyrir lambakjöt mætti til dæmis nota kjúkling.

Senda á Facebook