Apríkósugljáðar lambalærissneiðar Girnilegar grillaðar lambalærissneiðar með mildri barbecue-sósu með ávaxtakeim. Þennan apríkósukryddlög má líka nota á t.d. framhryggjarsneiðar og jafnvel kótelettur en þeim er þó mun hættara við að brenna. Sósuna má líka nota með grilluðu lambakjöti sem kryddað er á annan hátt og jafnvel með forkrydduðu grillkjöti.

Arabískar lambakótelettur Lamba- og kindakjöt er mikið borðað í flestum Arabalöndum, allt frá Marokkó austur til Saudi-Arabíu og Íraks, og er algengast að kjötið sé soðið í ýmiss konar pottréttum eða grillað. Það er gjarna töluvert mikið kryddað og krydd eins og kóríander, kummin, kanell og chili eru algeng.

Austurlenskur kryddlögur Einfaldur kryddlögur á lambakjöt sem á að grilla, ættaður frá Suðaustur-Asíu. Þessi lögur er nokkuð súr og bragðmikill en þar sem engin sæt hráefni eða viðbættur sykur er í honum eru litlar líkur til að kjötið brenni.

Barbecue-lambarif Mjög einföld uppskrift þar sem ódýrt hráefni er gert að hreinasta góðgæti - það er að segja fyrir þá sem langar til að naga bragðmikil og brakandi rif - það er hægt að grilla rifin hvort heldur sem er í ofninum eða á útigrillinu.

BBQ-kryddaðar lambagrillsneiðar með BBQ-sósu Girnileg uppskrift úr uppskiftasafni Úlfars Finnbjörnssonar sem hæfir þessu frábæra hráefni og hentar vel við ýmis tækifæri sem birtist í 9. tbl. Gestgjafans 2008.

Chilikryddað lambakebab Chilisósan sem notuð er til að marinera kjötið er fremur mild og því ættu allir að geta borðað réttinn, líka þeir sem ekki eru gefnir fyrir sterkkryddaðan mat.

Chilikryddaðar lambakótelettur Þessar kótilettur eru smurðar með sterku kryddmauki og látnar liggja nokkra stund áður en þær eru grillaðar eða steiktar. Þær eru því nokkuð krassandi en það fer þó eftir því hvað chilisósan í marineringunni er sterk.

Chilkryddað grillað lambalæri Þetta er réttur fyrir þá sem vilja hafa lambalærið sitt dálítið krassandi. Nota má jalapeño-pipar úr krukku í kryddlöginn; það ásamt hvítlauk og sinnepi ætti að gera réttinn vel ,,heitan".

Framhryggjarfillet með grilluðum tómötum Þykkur og vel fitusprengdur framhryggjarvöðvi (fillet) hentar sérlega vel til grillsteikingar. Gott er að leggja hann nokkra stund í kryddlög úr olíu, sítrónusafa og kryddjurtum eins og hér er gert og grilla hann síðan hæfilega lítið. Grillaðir tómathelmingar eru mjög góðir með en einnig mætti grilla annað grænmeti, svo sem eggaldin, papriku og kúrbít.

Framhryggjarsneiðar með hunangshjúp Gómsætar framhryggjarsneiðar í heimagerðri barbeque-sósu. Rétt er að hafa í huga að kjötið getur verið fljótt að brenna vegna þess hve sæt sósan er og það mætti líka strjúka hana mjög vel af kjötinu áður en það er sett á grillið og pensla það svo aftur síðustu mínúturnar til að fá góðan hjúp án þess að kjötið brenni.

Fyllt lambalæri á grillið Fyllt lambalæri af grillinu er frábær veislumatur. Hér er notuð fylling úr fetaosti, sólþurrkuðum tómötum, furuhnetum, pestói og kryddjurtum. Best er að úrbeina lærið þannig að leggjarbeinið sé skilið eftir og lærið haldi alveg lögun.

Glóðaðar lambalærissneiðar með banana Það er kannski svolítið karabískur kemur af þessum lærissneiðum, þar sem saman fara bananar, sítrónur og beikon, en gómsætt lambakjötsbragðið er þó það sem mest ber á.

Glóðarsteikt kaffikryddað lamb Kaffi - eða öllu heldur kaffilíkjör - er kannski dálítið óvenjulegt krydd á lambakjöt en á þó ljómandi vel við, til dæmis í grillkryddlög.

Grillað lamb á spjóti með ananas og mangó Það er ekkert íslenskt sumar án íslensks lambakjöts á grillið. Hérna er ljúffeng uppskrift eftir Úlfar Finnbjörnsson sem birtist í grillblaði Gestgjafans 2008.

Grillað lamba-prime í BBQ-sósu Það er ekkert íslenskt sumar án íslensks lambakjöts á grillið. Hérna er ljúffeng uppskrift eftir Úlfar Finnbjörnsson sem birtist í grillblaði Gestgjafans 2008.

Grillað lambafille - fyllt með fetaosti, furuhnetum, spínati og apríkósum

Grillað lambainnralæri með sítrónutímíani Eitt vinsælasta hráefnið á grillið er án efa íslenska lambakjötið. Það er bragðgott, mátulega feitt og svo er líka auðvelt að grilla það.  Það er alltaf hægt að slá í gegn með lambakjöti sama hvert tilefnið er, það á alltaf við og verður alltaf hinn klassíski, íslenski grillmatur.  Hér er uppskrift úr smiðju Úlfars Finnbjörnssonar, matreiðslumeistara sem birtist í Grillblaði Gestgjafans 2007.

Grillað lambakjötssalat Ljúffengt, heitt eða volgt lambakjötssalat, sett saman undir áhrifum úr ýmsum áttum. Best er að nota hryggvöðva (file) í salatið en einnig mætti nota t.d. innralærvöðva og grilla hann þá heldur lengur.

Grillað lambalæri Grillþátturinn sem sýndur var í ríkissjónvarpinu í júní, vakti mikla athygli. Gestgjafi var Nanna Rögnvaldardóttir og er þessi uppskrift úr þættinum.

Grillað lambalæri Að grilla við óbeinan hita þýðir að það eru engir kola- eða gaslogar beint fyrir neðan kjötið og það er því ekki hætta á að það brenni. Þetta er mjög hentug aðferð fyrir öll stærri kjötstykki.

Grillað lambalæri að hætti Provencebúa Íbúar Provencehéraðs í Frakklandi nota mikið af hvítlauk, tómötum og kryddjurtum í matargerð og þetta gildir auðvitað líka þegar þeir matreiða lambagrillsteikina sína.

Grillað lambalæri með chermoula Gómsætt, úrbeinað lambalæri að hætti Marokkóbúa, kryddað með chermoula, sem er kryddjurta- og kryddblanda sem mikið er notuð þar um slóðir. Kjötið má grilla hvort heldur sem er á útigrilli eða í ofni.

Grillað lambalæri með Miðjarðarhafssvip Þessi réttur krefst nokkurrar fyrirhafnar en útkoman réttlætir hana fyllilega. Lærið er kryddað með hvítlauk, sólþurrkuðum tómötum og fleiru og síðan grillað á útigrilli við óbeinan hita.

Grillað, flatt lambalæri með kryddjurtum og hvítlauk Það er ekkert íslenskt sumar án íslensks lambakjöts á grillið. Hérna er ljúffeng uppskrift eftir Úlfar Finnbjörnsson sem birtist í grillblaði Gestgjafans 2008.

Grillaðar hvítlaukskótelettur Það vantar ekki hvítlaukskeiminn af þessum grilluðu kótilettum. Hér er notað hvítlauksmauk úr krukku í kryddmaukið sem smurt er á þær en einnig mætti nota nýpressaðan hvítlauk, hrærðan með dálítilli olíu.

Grillaðar karríkryddaðar kótelettur Það er dálítið indverskur keimur af þessum kótilettum, þar sem þær eru marineraðar í karríkryddaðri jógúrt áður en þær eru grillaðar. Svo má líka nota meira karrí í kryddlöginn ef þess er óskað.

Grillaðar kótelettur með karrígljáa Kótelettur eiga einkar vel heima á grillinu en það getur verið gott að skera dálítið af fitunni í burtu. Best er að þær séu nokkuð þykkar. Þessar hér eru dálítið austurlenskar, með súr-sætum karrígljáa.

Grillaðar lambaframhryggjarsneiðar Lambaframhryggur er góður biti og vel fitusprengdur, þannig að kjötinu hættir síður við að þorna en ýmsum öðrum bitum. Gott að gefa þeim langan tíma á grillinu við fremur vægan hita.  Uppskrift úr smiðju Úlfars Finnbjörnssonar, matreiðslumeistara sem birtist í Grillblaði Gestgjafans 2007.

Grillaðar lambaframhryggjarsneiðar Lambaframhryggur er góður biti og vel fitusprengdur, þannig að kjötinu hættir síður við að þorna en ýmsum öðrum bitum, ekki síst ef sneiðarnar eru þykkt sagaðar. Þá er gott að gefa þeim langan tíma á grillinu við fremur vægan hita.

Grillaðar lambakótelettur með balsamediksósu Kótelettur eru alltaf vinsælar á grillið og það er gott að láta þær liggja í kryddlegi drjúga stund áður en þær eru grillaðar. Afganginn af kryddleginum má svo nota út í sósu á kóteletturnar, eins og hér er gert.

Senda á Facebook